Næringsutvalet i Nordisk Råd hadde i år sitt sommarmøte på Færøyane. Utvalet hadde tre lærerike og opplevingsrike dagar i dette spennande øyriket.
Vi hadde blant anna eit interessant møte med næringsutvalet på Færøyane. Medlemmane i utvalet gav oss ei god innføring i forvaltning av fiskeressursane som er det viktigaste næringsgrunnlaget deira.
På Færøyane har dei også innført strenge reguleringa av oppdrettsnæringa. Medlemmane i næringsutvalet meinte at dei no har lagt bak seg dei problema som denne næringa har stridd med. Eg bad om meir informasjon om dette forvaltningsregimet, for Noreg kan ha noko å lære her.
Færøyane er eit lite samfunn med i underkant av 50 000 innbyggarar. Vi fekk gode innføringar i ei offensiv satsing for å oppretthalde folketalet og unngå at ein for stor del av ungdommen flyttar ut. Dei har satsa på kommunikasjon, men ser at det ikkje er nok. Det må også satsast på velferd, barnehagar, kultur og innovasjon. Den mjuke infrastrukturen er like viktig som den harde.
Alf
Alf Holmelid 