Passiv haldning til framtidsretta indistri

I over eit år har eg prøvd å trekkje i gang ein diskusjon om kva som kan skje med forskingsmiljøet i Elkem i Kristiansand. Dette er eit heilt unikt miljø som det knapt finst maken til I verda, kanskje med unntak av MINTEK i Sør-Afrika.

Eg har skrive kronikkar i Færdelandsavisen og i nasjonale aviser, og eg har kjempa for å få regionale media til å ta opp saka. Det har overraska meg kor lite engasjement denne saka har skapt.  Dette kompetansemiljøet har spela ei sentral rolle i norsk industrihistorie. Seniorforskar Seniorforskar Antje Klitkou har i Dagsavisen i dag ein grundig kronikk som viser kva Elkem Solar betyr for industriutviklinga i Noreg.

Fædrelandsvennen har på leiarplass i dag ein kommentar til Elkem Solar der dei presenterer tradisjonell høgrepolitikk, og det er greitt. Men det overraskar meg kor lite engasjement dei viser for dette unike kompetansemiljøet som mange andre, også på nasjonalt plan, er uroa for.

Vidare er leiaren lettvint om norsk og sørlandsk industrihistorie. Sørlandet har i dag ein tung leverandørindustri. Denne industrien blei bygd opp på basis av statleg eigarskap i oljesektoren og med sørlandsk entreprenørskap.

Vi har mange gode eksempel på utanlandsk kapital som gir verdiskaping og sysselsetting i Noreg. Men det er viktig for landet og regionen at vi har ein del industri og industrielle kompetansesentra som er i norsk eige, og som i samarbeid med staten kan utvikle framtidas arbeidsplassar.

Alf