Høgre kuttar i budsjettposten Nasjonalt samarbeid for regional utvikling. Denne budsjettposten går blant anna til å støtte næringsnettverk i programma National Centre of Expertice, NCE, og ARENA. I mitt heimfylke omfattar det blant anna dei to suksessrike nettverka NODE (Norwegian Offshore and Drilling Engineerin) og Eyde som er eit nettverk for material- og metallbedrifter. Høgre kuttar også i midlane til regional utvikling som også blir brukt til lokal støtte til slike og andre nettverk.
Desse nettverka fremmar samarbeid mellom store og små bedrifter og universitet og høgskolar. Det er nettopp denne form for samarbeid vi treng for å utvikle eit framtidsretta og kunnskapsbasert næringsliv.
Eg har konfrontert to høgrerepresentantar med desse kutta, men dei var tydeleg vis ikkje klar over konsekvensane for næringsnettverk kring om i landet. Som eg har sagt før. Høgre forflatar næringspolitikken ved å overfokusere på skatt.
Alf
Alf Holmelid 