Vi kan misse vår legitimitet som leiande industrinasjon

I dag gjekk leiaren i LO, Roar Flåthen, ut med ønske om å redusere krava til innanlandske klimautslepp i klimaforliket. Dette  er klart i strid med kongressvedtaket i LO, og blant andre Fellesforbundet har nyleg uttalt at dei står på klimaforliket og Soria Moria 2.

SV er opptatt av at vi skal vidareutvikle den moderne og miljøvennlege industrien vi har her i landet. Det gjeld blant anna metall og prosessindustri som er basert på vasskraft eller anna fornybar energi. Personleg har eg engasjert meg i diskusjonar om korleis vi skal klare å få til konkurransedyktige vilkår for metallindustrien.

Samtidig er vi opptatt av at det finst støtteordningar og insentiv som fører til at vi held fram med å satse på teknologiutvikling for å styrke denne industrien. Det vil samtidig sikre etablerte og skape nye arbeidsplassar innanfor miljøteknologi og teknologieksport.

Vi har ein avansert industri i dag fordi næringslivet tok miljøutfordringane på 70-talet og 80-talet på ein offensiv måte. Utan denne offensive satsinga på miljøtiltak hadde vi knapt hatt ein moderne prosessindustri i Noreg i dag.

Det er rom for spennande industriutvikling innanfor dagens klimaforlik. Men dersom vi kastar det på båten, kan vi misse vår legitimitet som ein leiande industrinasjon. Det vil bli til uboteleg skade for norsk industri og true arbeidsplassane i industrisektoren.

Alf

7 responses to “Vi kan misse vår legitimitet som leiande industrinasjon

  1. Godt skrive, Alf.

    Samstundes er det ei utfordring at krava våre kanskje berre flyttar industri til område der energimiksen tilseier at det blir større CO2-utslepp. De har framleis ein jobb å gjere for å sørgje for at vi ikkje får for stor karbonlekasje

    Liker

  2. Hei Pål Julius
    Eg er heilt samd i at vi må unngå karbonlekkasje for eksempel når det gjeld metallindustri som baserer seg på vasskraft. Men eg meiner det er lite aktuell norsk politikk å produsere metall med forureinande gass. I Tyskland er gass ei erstatning for kol og atomkraft. I Noreg kan det redusere satsinga på fornybar.
    Vi kan ikkje trekke karbonlekkasjeargumentet så langt at industrien bleir heilt unntatt for ansvar, og at dei fattige landa med god grunn kan seie at vi som er verdens rikaste, ikkje vil ta kostnader lokalt.
    Alf

    Liker

  3. SÅ flott, Alf!
    Klimautslipp er et globalt problem og løses med global tenkning, ikke kun lokal.

    Det er flott å se at du nå heller i retningen av det du kritiserte Høyre for. Det er kun noen dager siden, men når man ser litt i materien skjønner man at kanskje selv ikke Høyre er bak mål 😉

    Liker

  4. Hei Haakon
    Det er vanskeleg å sjå kva Høgre vil i denne saka. Eg skulle diskutere på Tabloid mot Frank Bakke-Jensen i går, men han fekk ikkje lov å stille av partileiinga.
    Alf

    Liker

  5. Saken er jo den at vi driver i utgangspunktet CO2 rent i Norge.
    Vi lager kraft på vann og vår industri lever på ren energi.

    I andre land bruker de gass og kull og deres industri slipper derfor ut mer.

    Når vi da skal kutte så må vi kutte i industri som i utgangspunktet er ren.
    Og den industrien går da til land som ikke gidder å kutte.

    Det er bare høl-i-hue. Man skal kutte så mye lokalt at man glemmer det globale perspektivet.

    Jeg kan forresten minne om at i Norge tar det 9 år fra planlegging til ferdigstillelse av vei og jernbane. Vi har 9 år til 2020 da kuttene skal være gjennomførte – så mer jernbane og mer busser på bedre veier er allerede nå ikke noe alternativ måte å kutte på.

    Tiden har gått fra regjeringen.

    Liker

Legg igjen en kommentar

Fyll inn i feltene under, eller klikk på et ikon for å logge inn:

WordPress.com-logo

Du kommenterer med bruk av din WordPress.com konto. Logg ut /  Endre )

Google+-bilde

Du kommenterer med bruk av din Google+ konto. Logg ut /  Endre )

Twitter-bilde

Du kommenterer med bruk av din Twitter konto. Logg ut /  Endre )

Facebookbilde

Du kommenterer med bruk av din Facebook konto. Logg ut /  Endre )

Kobler til %s